Canlyniadau Monitro Pysgod Cregyn

Gwenwyno Diarëig Pysgod Cregyn

Mae gorfodaeth ar wledydd sy'n aelodau o'r Undeb Ewropeaidd i fonitro er mwyn darganfod presenoldeb posibl plancton sy'n cynhyrchu gwenwyn mewn mannau lle y cynhyrchir ac yr ailosodir pysgod cregyn, ac er mwyn darganfod biotocsinau mewn molysgiaid cregyn deuglawr byw.

Mae'r rhaglen monitro biotocsinau algaidd yn un o ofynion Cyfarwyddeb Cyngor 91/492/EEC, dyddiedig 15 Gorffennaf 1991, sy'n nodi'r amodau iechyd ar gyfer cynhyrchu molysgiaid cregyn deuglawr byw a'u rhoi ar y farchnad, ac sy'n cael ei gweithredu yng Nghymru a Lloegr gan y Rheoliadau Safonau Bwyd (Cynnyrch Pysgodfeydd a Physgod Cregyn Byw) (Hylendid) 1998 fel y'u diwygiwyd.

Gan yr Asiantaeth Safonau Bwyd, yr awdurdod cymwys, y mae'r cyfrifoldeb cyffredinol dros sicrhau bod y rhaglen fonitro yn cael ei gweithredu yn effeithiol.